آپ آف لائن ہیں
پیر7؍ ربیع الثانی1442ھ 23؍ نومبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارت اور امریکا کے درمیان سیٹیلائٹ ڈیٹا پر عسکری معاہدے کی تیاری

بھارت میزائل اور ڈرونز کی کارکردگی کو بہتر بنانے کے لیے امریکا کے ساتھ عسکری معاہدے کے قریب پہنچ گیا ہے جبکہ معاہدے کا اعلان اگلے ہفتے امریکی سیکریٹری خارجہ اور سیکریٹری دفاع کے دورہ بھارت کے دوران کیا جائے گا۔

خبر ایجنسی کی تفصیلات کے مطابق  معاہدے سے بھارت کو مختلف فضائی اور میدانی ڈیٹا تک رسائی کا موقع ملے گاجبکہ معاہدے کا مقصد چین کی عسکری طاقت کا مقابلہ کرنا ہے۔

میڈیا رپورٹس کے مطابق بھارتی کابینہ نے بدھ کے روز معاہدے کے حتمی مسودے پر تبادلہ خیال کیا، اس کے علاوہ امریکی کمپنیوں نے بھارت کو 2017 سے اب تک 21 ارب ڈالرسے زائد کا اسلحہ فروخت کیا۔

خبر ایجنسی نے مزید بتایا کہ امریکی حکومت بھارت پر حساس معلومات کے تبادلے کا معاہدہ کرنے پر زور دیتی رہی ہے۔

دوسری جانب بھارتی حکومتی ذرائع کے مطابق امریکا اور بھارت کے درمیان پہلے ہی خفیہ اطلاعات کا تبادلہ ہو رہا ہے، خاص کر خطے میں چین کی سرگرمیوں سے متعلق اطلاعات کا تبادلہ ہوتا رہا ہے۔

بین الاقوامی خبریں سے مزید