جمہوریت میں کسی کو لاپتہ نہیں ہونا چاہیے: شیریں مزاری

وفاقی وزیرِ انسانی حقوق شیریں مزاری کہتی ہیں کہ جمہوریت میں کسی کو لاپتہ نہیں ہونا چاہیئے۔

یہ بات وفاقی وزیرِ انسانی حقوق شیریں مزاری نے ایک بیان کے ذریعے ’جیو نیوز‘ کے رپورٹر علی عمران سید کے لاپتہ ہونے پر اپنے ردِ عمل کا اظہار کرتے ہوئے کہی ہے۔

لوگوں کو غائب کرنا اچھی روایت نہیں : مریم نواز

مسلم لیگ نون کی نائب صدر اور سابق وزیرِ اعظم میاں نواز شریف کی صاحبزادی مریم نواز کہتی ہیں کہ برطانیہ قانون کے تحت چلتا ہے وہاں ارشد ملک جیسے ججز نہیں ہوتے۔

انہوں نے یہ بھی کہا ہے کہ گرفتار کر کے مقدمہ بنانے والوں سے نمٹنے کے لیے انسدادِ دہشت گردی سمیت مضبوط قوانین موجود ہیں۔

واضح رہے کہ گزشتہ روز ’جیو نیوز‘ کے رپورٹر علی عمران سید لاپتہ ہو گئے، اہلِ خانہ کے مطابق علی عمران گھر سے قریبی بیکری تک گئے تھے لیکن واپس نہیں آئے۔

انہوں نے یہ بھی بتایا ہے کہ علی عمران آدھے گھنٹے میں واپسی کا کہہ کر نکلے تھے تاہم ان کی گمشدگی کو کئی گھنٹے گزر چکے ہیں۔

علی عمران سید کی گمشدگی سے متعلق کراچی پولیس چیف اور ڈی آئی جی ایسٹ کو آگاہ کر دیا گیا ہے۔