• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گستاخانہ خاکے‘ فرانس کیخلاف مختلف تنظیموں کے احتجاجی مظاہرے

میرا شہر
ملتان
28 اکتوبر ، 2020
ملتان (سٹاف رپورٹر) گستاخانہ خاکوں کی نمائش کی اجازت دینے کے خلاف پتلے نذر آتش کیے گئے۔پیپلز لائرز فورم جنوبی پنجاب، انجمن طلبہ اسلام،جمعیت طلبہ عربیہ اور دیگر تنظیموں کی جانب سے احتجاجی مطاہرے کیے گئے۔ پیپلز لائرز فورم جنوبی پنجاب کے زیر اہتمام ضلع کچہری ملتان میں احتجاجی مظاہرہ کیا گیا۔ مظاہرے میں جھنڈہ نذر آتش اور پتلا بھی جلایا گیا۔ شیخ غیاث الحق نے خطاب کرتے ہوئے کہا کہ فرانسیسی صدر کے اس اقدام کی شدید الفاظ میں مذمت کرتے ہیں اسلام دشمن طاقتیں ایک جگہ جمع ہوگئی ہیں ان کے خلاف پوری امت مسلمہ کو سینہ سپر ہونا پڑے گا۔ انجمن طلبہ اسلام ملتان کے زیر اہتمام ربیع الاول کے سلسلے میں ریلی کا اہتمام کیا گیا جو گورنمنٹ ایمرسن کالج گیٹ سے شروع ہوکر چونگی نمبر 9پر اختتام پذیر ہوئی۔ ریلی میں انجمن طلبہ اسلام ضلعی، تحصیل و سٹی ذمہ داران سمیت ہر شعبہ زندگی سے تعلق رکھنے والے کثیر تعداد میں عاشقان رسولؐ نے شرکت کی۔ جمعیت طلبہ عربیہ ضلع ملتان کے زیراہتمام فرانس میں گستاخانہ خاکوں کے خلاف مدرسہ جامع العلوم کے سامنے معصوم شاہ روڈ پر احتجاجی مظاہرہ کیا گیا مظاہرے کی قیادت امین جمعیت طلبہ عربیہ جنوبی پنجاب واجد اقبال، ڈاکٹر صفدر اقبال ہاشمی، محمد عتیق، مولانا عبدالرزاق ودیگر نے کی، انہوں نے کہا کہ امت مسلمہ کو فرانسیسی مصنوعات کا بائیکاٹ کرنا چاہئے۔
تازہ ترین