کراچی(اسٹاف رپورٹر) قومی ٹیبل ٹینس چیمپئن شپ میں پاکستان واپڈا کے عاصم قریشی نے مردوں اور پاکستان آرمی کی راحیلہ کاشف نے خواتین کا انفرادی اعزاز جیت لیا۔ ملتان میں کھیلی جانے والی 52 ویں قومی چیمپئن شپ کے مردوں کے فائنل میں عاصم قریشی نے اپنے ہی ادارے کے فریال مہناس کو4-0 سے شکست دی جبکہ راحیلہ کاشف نے آرمی کی شبنم بلال کو 4-3 سے مات دے کر انفرادی اعزازات اپنے نام کئے، مینز ڈبلز فائنل میں رمیز اور رحیم نے فریال اور حافظ ذیشان کو ، خواتین ڈبلز میں راحیلہ کاشف اور شبنم بلال نے عائشہ اور سدرا کو ہرایا، مکسڈ ڈبلز میں عاصم قریشی اور سعدیہ فلک شیر نے رمیز اور عائشہ کو شکست دے دوچار کیا۔
فرمان الہی
نماز کے اوقات
