فرمان الہی
نماز کے اوقات
پاکستان کی مقبول اور کامیاب میزبان و اداکارہ نادیہ خان نے اپنے چھوٹے بیٹے کیان کو اپنا شہزادہ قرار دیا ہے۔
سماجی رابطے کی ویب سائٹ انسٹاگرام پر نادیہ خان نے اپنے چھوٹے بیٹے کیان کے ہمراہ کچھ نئی تصویریں پوسٹ کی ہیں جن میں اُنہوں نے کیان کو گود میں اُٹھایا ہوا ہے جبکہ ایک تصویر میں و ہ محبت بھری نگاہوں سے اپنے بیٹے کی طرف دیکھ رہی ہیں۔
نادیہ خان نےانسٹاگرام پر تصویریں پوسٹ کرتے ہوئے کیپشن میں لکھا کہ ’ایک ماں اُس وقت بہت زیادہ خوش ہوتی ہے جب اُس کے گھر میں ایک ایسا بچہ موجود ہو جو اُس سے بے انتہا محبت کرے اور ہر دن اپنی ماں کے چہرے پر مُسکراہٹ لائے۔‘
میزبان نے اپنے بیٹے سے مخاطب ہوتے ہوئے لکھا کہ ’کیان میرے شہزادے ماما آپ سے بہت پیار کرتی ہیں۔‘
آخر میں اُنہوں نے مداحوں سے کہا کہ ’تصویریں دیکھنے کے بعد ماشاءاللّہ لازمی بولیں۔‘
واضح رہے کہ نادیہ خان پاکستان کی مقبول ترین میزبان ہیں اور اُس کے علاوہ اُنہوں نے جیو انٹرٹینمنٹ سمیت دیگر ٹی وی چینلز پر بھی متعدد ڈراموں میں اداکاری کی ہے۔
نادیہ خان کے تین بچے ہیں، اُن کی بڑ ی بیٹی کا نام علیزے، بیٹے کا نام اذان اور سب سے چھوٹے بیٹےکا نام کیان ہے۔
