مریم نواز 6 نومبر کو اسلام آباد سے گلگت جائیں گی

مسلم لیگ ن کی نائب صدر مریم نواز  کے گلگت بلتستان کے دورے کو حتمی شکل دے دی گئی ہے، مریم نواز 6 نومبر کو اسلام آباد سے بذریعہ طیارہ گلگت جائیں گی۔

ذرائع کے مطابق مریم نواز لاہور سے 5 نومبر کو اسلام آباد روانہ ہوں گی جس کے بعد وہ 6 نومبر کو اسلام آباد سے بذریعہ طیارہ گلگت جائیں گی اور 6 روز گلگت بلتستان میں قیام کریں گی۔

مسلم لیگ ن کے ذرائع نے بتایا کہ مریم نواز  6 سے 11 نومبر تک سیاسی سرگرمیوں میں حصہ لیں گی جن میں گلگت بلتستان کے اضلاع میں جلسوں سے خطاب کریں گی۔

بکتر بند گاڑی میں پیش کیا جانا قابل مذمت ہے، مریم نواز

مسلم لیگ ن کی نائب صدر اور سابق وزیر اعظم میاں نواز شریف کی صاحبزادی مریم نواز کا کہنا ہے کہ شہباز شریف اور حمزہ شہباز کو بکتر بند گاڑی میں پیش کیا جانا قابل مذمت ہے۔

ن لیگ ذرائع کا کہنا ہے کہ مریم نواز گلگت بلتستان میں پارٹی اجلاسوں کی صدارت بھی کریں گی جبکہ ن لیگ کا 20 رکنی سینئر قیادت کا وفد بھی مریم نواز کے ہمراہ ہوگا۔

ذرائع کا مزید کہنا تھا کہ مریم نواز 12 نومبر کو لاہور واپس پہنچیں گی۔