ظلم کی بھی کوئی حد ہوتی ہے، مریم نواز

پاکستان مسلم لیگ (ن) کی نائب صدر مریم نواز نے کسانوں کے احتجاج پر لاٹھی چارج پر ردِ عمل دیتے ہوئے کہا ہے کہ ظلم کی بھی کوئی حد ہوتی ہے۔

اپنے ایک بیان میں مریم نواز نے کہا کہ آج کسانوں پر لاٹھیاں برسائی جا رہی ہیں۔

لیگی نائب صدر کا کہنا تھا کہ ان کسانوں کی پیداوار کو ذخیرہ کرکے گندم، چینی اسکینڈل میں اپنے اے ٹی ایم کو نوازا گیا۔

ہمارے 200 کارکن گرفتار ہوئے، چیئرمین کسان اتحاد

پاکستان کسان اتحاد کے مرکزی چیئرمین چوہدری انور کہتے ہیں کہ گزشتہ شب لاہور میں پولیس نے ہمارے ڈیڑھ سے دو سو کارکن گرفتار کیئے۔

انھوں نے یہ بھی کہا کہ ملکی پیداوار لوٹنے والوں کو وزارتوں سے نوازا گیا۔

واضح رہے کہ پاکستان کسان اتحاد نے اپنے مطالبات کے حق میں لاہور میں گزشتہ روز دھرنا دیا تھا۔

لاہور پولیس نے ٹھوکر نیاز بیگ چوک پر بیٹھے مظاہرین کو ہٹا کر سڑک ٹریفک کے لیے کھول دی تھی جبکہ اس کریک ڈاؤن میں درجنوں کسانوں کو گرفتار بھی کیا تھا۔