شہباز شریف کی اہلیہ کو اشتہاری قرار دینے کے اشتہار آویزاں

05 نومبر ، 2020

منی لانڈرنگ ریفرنس میں قومی اسمبلی میں اپوزیشن لیڈر و مسلم لیگ نون کے صدر شہباز شریف کی اہلیہ نصرت شہباز کو اشتہاری قرار دینے کے اشتہارات آویزاں کر دیئے گئے۔

منی لانڈرنگ ریفرنس میں قومی احتساب بیورو (نیب) کے تفتیشی افسر نے عدالت کے باہر نصرت شہباز کا اشتہار آویزاں کر دیا۔

احتساب عدالت کے ایڈمن جج جواد الحسن نے نصرت شہباز کے خلاف اشتہاری کارروائی کا حکم دیا تھا۔

نوٹس میں کہا گیا ہے کہ نصرت شہباز کے ناقابلِ ضمانت وارنٹِ گرفتاری جاری کیئے گئے لیکن ناقابلِ ضمانت وارنٹ گرفتاری جاری ہونے کے باوجود نصرت شہباز گرفتار نہیں ہوئیں۔

یہ بھی پڑھیے

نیب کے تفتیشی افسر نے عدالت کے باہر، نصرت شہباز کی رہائش گاہ اور عوامی مقامات پر اشتہار آویزاں کر دیا ہے۔

عدالت میں عدم پیشی کے باعث نصرت شہباز کے خلاف اشتہاری کی کارروائی کا حکم دیا گیا ہے، منی لانڈرنگ ریفرنس پر آئندہ سماعت 11 نومبر کو ہو گی۔

تازہ ترین