فرمان الہی
نماز کے اوقات
اسرائیل نے ایران کے خلاف آپریشن کا نام ’لائنز روئر‘ جبکہ امریکا نے حالیہ کارروائی کو ’آپریشن ایپک فیوری‘ کا نام دیا ہے۔
اسرائیلی میڈیا کے مطابق اسرائیل نے ایران کے خلاف اپنی کارروائی کو لائنز روئر کا نام دیا ہے۔
یہ نام وزیرِاعظم نتین یاہو نے تجویز کیا جبکہ اس سے قبل اسرائیلی دفاعی افواج (آئی ڈی ایف) نے ان حملوں کے لیے اندرونی طور پر ایک مختلف نام رکھا ہوا تھا۔
ادھر پینٹاگون کے مطابق ایران کے خلاف امریکی آپریشن ایپک فیوری جاری ہے۔
غیر ملکی خبر ایجنسی کے مطابق پینٹاگون نے ایران کے خلاف امریکی آپریشن کو آپریشن ایپک فیوری کا نام دیا ہے۔
ایران میں امریکی و اسرائیلی حملوں کے آغاز کے بعد امریکی محکمۂ دفاع نے پہلا بیان جاری کیا ہے۔
سوشل میڈیا پر جاری بیان میں امریکی وزیرِ دفاع پیٹ ہیگسیتھ نے مکمل بڑے حروف میں امریکی پرچم کے ساتھ لکھا کہ آپریشن ایپک فیوری۔
واضح رہے کہ گزشتہ برس اسرائیلی افواج نے ’آپریشن رائزنگ لائن‘ کے نام سے ایرانی جوہری و ملٹری تنصیبات پر بڑا حملہ کیا تھا۔
