کراچی سرکلر ریلوے کیس: چیف سیکریٹری سندھ، سیکریٹری ریلویز کو توہین عدالت کا نوٹس

سپریم کورٹ آف پاکستان نے کراچی سرکلر ریلوے کیس میں چیف سیکریٹری سندھ اور سیکریٹری ریلویز کو توہینِ عدالت کا نوٹس جاری کردیا۔

چیف جسٹس گلزار احمد کی سربراہی میں 3 رکنی بینچ نے کراچی سرکلر ریلوے بحالی کیس کی سماعت کی۔

سماعت کے دوران عدالت نے استفسار کیا کہ سیکریٹری ریلویز اور چیف سیکرٹری سندھ بتائیں کہ کراچی سرکلر ریلوے کا منصوبہ کیوں فعال نہیں ہوا؟

عدالت نے مزید ریمارکس دیے کہ کیوں نہ کیوں نہ سیکرٹری ریلویز اور چیف سیکریٹری سندھ کے خلاف توہینِ عدالت کی کارروائی کی جائے۔

پاکستان ریلویز کا 16 نومبر سے کراچی سرکلر ریلوے شروع کرنے کا اعلان

ڈی ایس کا کہنا تھا کہ صبح 7 بجے اورنگی ٹاؤن اسٹیشن سے پہلی ٹرین روانہ ہوگی، اس کے بعد صبح 10 بجے دوسری ٹرین روانہ ہوگی۔

چیف جسٹس گلزار احمد نے ریمارکس دیے کہ اب بات صرف یہیں نہیں رکے گی، ہم سب کو بلائیں گے، ضرورت پڑی تو وزیراعظم عمران خان اور وزیراعلیٰ سندھ کو بھی بلالیں گے۔

عدالت نے چیف سیکریٹری سندھ اور سیکریٹری ریلویز کو اظہارِ وجوہ کا نوٹس بھی جاری کرتے ہوئے انھیں ذاتی حیثیت میں پیش ہونے کا حکم دے دیا۔

عدالت نے ڈی جی ایف ڈبلیو او کو بھی ذاتی حیثیت سے پیش ہوکر وضاحت دینے کا حکم دیتے ہوئے کیس کی سماعت 2 ہفتوں کے لیے ملتوی کردی۔

سندھ حکومت سرکلر ریلوے کی بحالی میں مکمل تعاون کرے گی، وزیراعلیٰ

اجلاس میں سی سی آئی کے اجلاس میں ہونے والے فیصلے اور کراچی شہر میں مقامی ٹرین منصوبہ شروع کرنے کے سپریم کورٹ آف پاکستان کی ہدایات پر عملدرآمد کرنے کے لیے منعقد کیا گیا۔

واضح رہے کہ آج ہی پاکستان ریلویز نے کراچی سرکلر ریلوے کو 16 نومبر سے شروع کرنے کا اعلان بھی کردیا۔

اس حوالے سے ڈویژنل سپریڈنٹ آفس ریلوے کراچی ارشد سلام خٹک نے 16 نومبر سے کراچی میں سرکلر ریلوے کے آغاز کا اعلان کرتے ہوئے بتایا کہ یہ سروس صرف پِپری سے اورنگی ٹاؤن تک کے لیے ہوگئی۔

ان کا کہنا تھا کہ پِپری سے اورنگی ٹاؤن کے ٹریک کے لیے 4 ٹرینیں مختص کی گئیں ہیں، یہ ٹرینیں 3 گھنٹوں کے وقفے سے اپ اور ڈاؤن ٹریکس پر چلیں گیں۔