آپ آف لائن ہیں
منگل5؍جمادی الثانی 1442ھ 19؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

PDM کا غیر فطری اتحاد منطقی انجام کی جانب بڑھ رہا ہے، عثمان بزدار


وزیرِ اعلیٰ پنجاب سردار عثمان بزدار کہتے ہیں کہ پاکستان ڈیمو کریٹک موومنٹ (پی ڈی ایم) کا غیر فطری اتحاد اپنے منطقی انجام کی جانب بڑھ رہا ہے۔

لاہور سے جاری کیئے گئے ایک بیان میں پنجاب کے وزیرِ اعلیٰ سردار عثمان بزدار نے کہا کہ غیر فطری اتحاد اپوزیشن رہنماؤں نے اپنے کرپشن کے داغ چھپانے کیلئے بنایا ہے۔

انہوں نے کہا کہ اپوزیشن اتحاد جس عجلت میں بنا، اتنی ہی تیزی سے یہ ختم ہو رہا ہے، ماضی میں قومی وسائل بے دردی سے لوٹنے والوں کے چہرے قوم کے سامنے آ چکے ہیں۔

پنجاب کے وزیرِ اعلیٰ سردار عثمان بزدار کا کہنا ہے کہ سابق حکومتوں کے دور میں لوٹ مار کر کے ذاتی تجوریاں بھری گئیں۔


انہوں نے مزید کہا کہ وزیرِاعظم عمران خان نے کرپشن کے بڑے بڑے بت بے نقاب کیئے ہیں۔

سردار عثمان بزدار کا یہ بھی کہنا ہے کہ 22 کروڑ عوام جانتے ہیں کہ آج ملک میں شفاف ترین حکومت ہے۔

قومی خبریں سے مزید