آپ آف لائن ہیں
جمعہ یکم جمادی الثانی 1442ھ15؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اپوزیشن عوامی مینڈیٹ کی توہین کر رہی ہے: عثمان بزدار


وزیرِ اعلیٰ پنجاب سردار عثمان بزدار کہتے ہیں کہ اپوزیشن جماعتیں عوام کے مینڈیٹ کی توہین کر رہی ہیں۔

لاہور سے جاری کیئے گئے ایک بیان میں وزیرِ اعلیٰ پنجاب سردار عثمان بزدار کا کہنا ہے کہ کسی کو ملکی اداروں کی تضحیک نہیں کرنے دیں گے۔

انہوں نے کہا کہ اداروں کے خلاف باتیں کرنے والے ملک و قوم کے دشمن ہیں، ملک دشمن بیانیے پر چلنا نام نہاد لیڈروں کی ذہنی پسماندگی ظاہر کرتا ہے۔

عثمان بزدار نے کہا کہ ملک و قوم کے مفادات کو ٹھیس پہنچانے والے رہبر نہیں ہو سکتے، عوام کھوٹے کھرے کی پہچان رکھتے ہیں۔


وزیراعلیٰ پنجاب کا یہ بھی کہنا ہے کہ اپوزیشن ملک کو عدم استحکام کرنے کے ایجنڈے پر عمل پیرا ہے، اپوزیشن جماعتوں کو ہوش کے ناخن لینے چاہئیں۔

قومی خبریں سے مزید