فرمان الہی
نماز کے اوقات
سندھ بار کونسل کی جانب سے پشاور ہائی کورٹ کے چیف جسٹس وقار احمد سیٹھ کے انتقال پر افسوس و رنج کا اظہار کیا گیا ہے۔
سندھ بار کونسل کے وائس چیئرمین نے جاری کیئے ایک تعزیتی بیان میں کہا ہے کہ پشاور ہائی کورٹ کے چیف جسٹس وقار احمد سیٹھ کے انتقال پر دلی افسوس ہے۔
انہوں نے کہا کہ چیف جسٹس وقار احمد سیٹھ کے انتقال کے سوگ میں سندھ بھر میں عدالتی امور معطل رہیں گے ۔
دوسری جانب چیف جسٹس سندھ ہائی کورٹ نے بھی چیف جسٹس وقار احمد سیٹھ کے انتقال کے سوگ میں عدالتوں کی کارروائی معطل رکھنے کی ہدایت کی ہے۔
سندھ ہائی کورٹ کے رجسٹرار کے مطابق سندھ ہائی کورٹ اور ماتحت عدالتوں میں کیسز کی کارروائی معطل کر دی گئی ہیں، صرف اہم نوعیت کے مقدمات کی سماعت ججز کے چیمبر میں ہو گی۔
