آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جیو پارلیمنٹ کے میزبان ارشد وحید چودھری انتقال کرگئے

جیونیوز کے سینئر صحافی اور پروگرام ’جیو پارلیمنٹ‘ کے میزبان ارشد وحید چودھری انتقال کرگئے۔

سینئر صحافی ارشد وحید چودھری کورونا وائرس کے باعث کئی دنوں سے بیمار تھے اور کورونا  وائرس کے باعث وینٹی لیٹر پر تھے۔

ارشد وحید چوہدری جیونیوز کے سینیئر رپورٹر اور پروگرام ’جیو پارلیمنٹ‘ کے اینکر بھی تھے جبکہ وہ پارلیمنٹ سے عوام کو خبروں کی آگاہی فراہم کرتے تھے۔

ارشد وحید چوہدری نیشنل پریس کلب اسلام آباد کے نائب صدر بھی تھے۔

پاکستان مسلم لیگ (ن) کی نائب صدر مریم نواز نے سینیئر صحافی ارشد وحید کے انتقال پر دکھ اور افسوس کا اظہار کیا ہے۔

سماجی رابطے کی ویب سائٹ ٹوئٹر پر اپنے تعزیتی پیغام میں مریم نواز کا کہنا ہے بہت ہی تکلیف دہ اور افسوسناک خبر ہے جس پر یقین ہی نہیں آرہا۔

انہوں نے مزید کہا کہ وہ بہت محنتی، اپنے پیشے کو ایک مشن سمجھنے والے ایک نیک نام صحافی تھے۔ اللّٰہ انہیں مغفرت دے اور ان کے پسماندگان کو صبر جمیل عطا فرمائے، آمین۔

قومی خبریں سے مزید