حارث رؤف کے آفریدی سے معافی مانگنے کے اسٹائل کے چرچے

16 نومبر ، 2020

لاہور قلندرز کے کرکٹر حارث رؤف نے پہلی ہی گیند میں آفرید ی کو آؤٹ کر کے ان کی عزت افزائی اور سینئر کو عزت دینے کیلئے ہاتھ جوڑ کر معافی مانگنے کے سوشل میڈیا پر خوب چرچے ہورہے ہیں۔

کوئی ان کے اس اقدام کو سراہ رہا ہے تو کوئی مزاحیہ تبصرہ ررہا ہے، حارث رؤف اس وقت ٹوئٹر ٹرینڈ پینل پر سرفہرست ٹرینڈز پر موجود ہے۔

پی ایس ایل میں اس سے قبل بھی بہت مرتبہ ایسے مواقع دیکھنے میں آئے ہیں کہ جب کوئی نیا کرکٹر اپنے سینئر کو آؤٹ کر کے اسکی خوشی نہیں مناتا۔

یہ بھی پڑھیے

اسلام آباد کی جانب سے کھیلنے والے مصباح الحق کو شاہد آفریدی نے ہی آؤٹ کر خوشی نہیں منائی تھی اس کے بعد متعدد مرتبہ کرکٹ شائقین نے پی ایس ایل میں ایسے مناظر دیکھے ہیں اور جونئیرز کو شاباشی بھی دی ہے۔

حارث رؤف کے اس اسٹائل پر سوشل میڈیا پر زیرِ گردش تبصرے:

ایک صارف نے لکھا کہ ’حارث رؤف نے آج ہمارے دل جیت لیے۔

صارفین کا کہنا ہے کہ اس سے بہتر پی ایس ایل کا اس سے بہتر نظارہ کوئی اور نہیں ہوسکتا۔

سعد نامی صارف نے لکھا کہ آپ کو دنیا میں کسی بھی لیگ میں وہ عزت دیکھنے کو نہیں ملے گی جو یہاں پی ایس ایل میں دیکھنے کو مل سکتی ہے۔

سویرا پاشا نے لکھا کہ حارث رؤف نے ثابت کردیا کہ آفریدی گزشتہ دو دہائیوں سے کیوں کرکٹ شائقین کے دل کی دھڑکن بنے ہوئے ہیں۔

خیال رہے کہ وکٹ لینے کے بعد گراؤنڈ میں گفتگو کرتے ہوئے حارث رؤف نے کہا کہ شاہد آفریدی سینئر کھلاڑی ہیں، سوچ کے آیا تھا کہ اگر آج شاہد آفریدی کی وکٹ لیتا ہوں تو یہ اسٹائل کروں گا۔

تازہ ترین