میرا انصاری نے نیویارک میں دوسری شادی کرلی، فوٹو شوٹ شیئر

نیویارک (مانیٹرنگ ڈیسک) معروف اداکارہ بشریٰ انصاری کی بیٹی ماڈل و اداکارہ میرا انصاری نے نیویارک میں دوسری شادی کرلی۔میرا انصاری نے اپنے انسٹاگرام اکاؤنٹ پر تصاویر شیئر کرتے ہوئے مبہم انداز میں مداحوں کو دوسری شادی کے حوالے سے آگاہ کیا۔اگرچہ واضح طور پر میرا انصاری نے دوسری شادی کا نہیں بتایا تاہم انہوں نے ʼنئے گھر اور ʼشکر گزار جیسے ہیش ٹیگ استعمال کیے، جن سے عندیہ ملتا ہے کہ انہوں نے دوسری شادی کرلی۔تصاویر میں انہیں ایک مرد کے ساتھ خوبصورت و رومانوی انداز میں شادی کی طرز کے فوٹو شوٹ میں دیکھا جا سکتا ہے۔ایک تصویر میں میرا انصاری کی انگوٹھی کو نمایاں دیکھا جا سکتا ہے جب کہ دوسری تصویر میں دونوں کو رومانوی انداز میں بوسہ دیتے ہوئے دیکھا جا سکتا ہے۔ماڈل نے تصاویر کو شیئر کرتے ہوئے قرآن کریم کی سورہ الشرح کی آیت کا ترجمہ بھی شیئر کیا۔میرا انصاری کی مذکورہ تصاویر پر کئی لوگوں نے انہیں مبارک باد پیش کی اور کئی افراد نے ان کے لیے نیک خواہشات کا اظہار کیا۔میرا انصاری نے اس موقع پر پہلے شوہر سے اپنے جواں سالہ بیٹے کے ساتھ خوشگوار موڈ میں بنوائی گئی تصویر بھی شیئر کی۔ماڈل نے اس موقع پر اپنی ایک اور تصویر شیئر کی، جس میں انہوں نے لکھا کہ بعض مرتبہ اچھی چیزیں پسند کی جگہ سے نہیں آتیں۔ماڈل کی دوسری شادی کی خبروں پر تاحال ان کی والدہ یا ان کے دیگر قریبی رشتہ داروں نے کوئی تصدیق یا تردید نہیں کی۔خیال رہے کہ اس سے قبل میرا انصاری کے 2 بچے ایک بیٹا اور ایک بیٹی بھی ہیں اور وہ اکثر ان کے ساتھ تصاویر شیئر کرتی رہتی ہیں۔