فرمان الہی
نماز کے اوقات
لاہور(نمائندہ جنگ) صدر مملکت ڈاکٹر عارف علوی گزشتہ روز لاہور پہنچ گئے ہیں اپنی لاہور آمد کے فوری بعد انہوں نے سروسز ہسپتال میں زیر علاج مسلم لیگ ق کے صدر وسابق وزیراعظم چوہدری شجاعت حسین کی عیادت کی جنہیں گزشتہ روز اسپتال سےفارغ کردیا گیا، اس موقع پر چوہدری شجاعت حسین کے دونوںبیٹے چوہدری سالک حسین ایم ایم اے اور چوہدری شافع حسین بھی موجود تھے۔ صدر مملکت ڈاکٹرعارف نے چوہدری شجاعت حسین کو صحت یاب دیکھ کر خوشی کا اظہار کرتے ہوئے کہا کہ چوہدری شجاعت حسین ملنساراور محب وطن سیاست دان ہیں جن سے ہر وقت قومی معاملات پر رہنمائی لی جاسکتی ہے،اللہ تعالیٰ انہیں صحت کاملہ عطا فرمائے۔ صدر مملکت لاہور میں قیام کے دوران شان رحمت اللعالمین کانفرنس سے خطاب کرینگے ،گورنر پنجاب چوہدری سرور، وزیر اعلیٰ عثمان بزدار اور دیگر رہنماؤں سے ملاقاتیں بھی کریں گے۔
