موٹر سائیکل کو سائیڈ مرر سے استثنیٰ کیخلاف درخواست، فریقین کو نوٹس جاری

18 نومبر ، 2020

سندھ ہائی کورٹ نے موٹر سائیکل مالکان کو سائیڈ مرر لگوانے سے استثنیٰ دینے کے قانون کے خلاف درخواست پر سندھ حکومت، ڈی آئی جی ٹریفک اور دیگر کو نوٹس جاری کر دیئے۔

سندھ ہائی کورٹ میں درخواست کی سماعت جسٹس محمد علی مظہر کی سربراہی میں 2 رکنی بینچ نے کرتے ہوئے فریقین سے تفصیلی جواب طلب کر لیا۔

درخواست گزار کے وکیل نے عدالت میں مؤقف اختیار کیا ہے کہ 1969ء میں قانون سازی کی گئی تھی، جس میں موٹر سائیکل مالکان کو سائیڈ مرر لگانے سے استثنیٰ دیا گیا تھا۔

درخواست گزار کے وکیل کا کہنا ہے کہ ہیلمٹ پہننے کے بعد موٹر سائیکل سوار کو اپنے ارد گرد نظر ہی نہیں آتا۔

یہ بھی پڑھیے

درخواست گزار کے وکیل کا مزید کہنا ہے کہ موٹرسائیکلوں کے سائیڈ مرر نہ ہونے کی وجہ سے روزانہ حادثات ہوتے ہیں۔

درخواست گزار کے وکیل نے عدالت سے استدعا کی کہ موٹر سائیکلوں کو سائیڈ مرر سے استثنیٰ قرار دینے کا قانون کالعدم قرار دیا جائے۔

تازہ ترین