آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

امریکا کو ملکی راز بیچنے پر روسی وزارت دفاع کے سابق ملازم کو 13سال قید

ماسکو(جنگ نیوز )روس میں وزارت دفاع کے ایک سابق ملازم کو اسلحے کی خریداری سے متعقل اہم دستاویز امریکا کی خفیہ ایجنسی سی آئی اے کو مہنگے داموں فروخت کرنے پر 13 سال قید کی سزا سنائی گئی ہے۔غیر ملکی میڈیا کے مطابق روس کی فیڈرل سیکیورٹی سروس کی جانب سے جاری بیان میں کہا گیا کہ یوری ایسکینکو نامی وزارت دفاع کے سابق ملازم کو 13 سال قید کی سزا سنائی گئی ہے۔بیان میں مزید کہا گیا ہے کہ سابق ملازم نے 2015 سے 2017 کے درمیان اسلحے کی خرید و فروخت سے متعلق ایک اہم دستاویز کی نقل کر کے امریکی خفیہ ایجنسی سی آئی اے کو رقم کے عوض فراہم کی تھی۔جولائی 2019 میں یورے ایسکینکو نے پوچھ گچھ کے لیے حراست میں لیے جانے کے بعد دوبارہ سی آئی اے کے ایک آفیسر سے رابطہ کیا تھا جس پر اسے دوبارہ گرفتار کرلیا گیا تھا۔دوران تفتیش ملزم نے اقبال جرم کرلیا جس پر روس کے کریمنل کوڈ 275 کے تحت مقامی عدالت نے ملکی راز فروخت کرنے کے الزام میں ملزم کو 13 سال قید کی سزا سنائی ہے۔

دنیا بھر سے سے مزید