بشریٰ انصاری نے 5 نسلوں کو ایک ساتھ کیسے دِکھایا؟

پاکستان شوبز انڈسٹری کی سینئر اداکارہ بشریٰ انصاری نے اپنے خاندان کی پانچ نسلوں کو ایک تصویر میں دِکھا دیا۔

سماجی رابطے کی ویب سائٹ انسٹاگرام پر بشریٰ انصاری نے ایک فیملی فوٹو پوسٹ کی ہے جس میں اداکارہ کے ہمراہ اُن کی نانی، اُن کی امّی اور اُن کی بیٹی موجود ہیں جبکہ بشریٰ انصاری نے گود میں اپنے پوتے کو بھی اُٹھایا ہوا ہے۔

بشریٰ انصاری نے تصویر پوسٹ کرتے ہوئے کیپشن میں لکھا کہ ’پانچ نسلیں ایک ساتھ۔‘

اداکارہ نے بتایا کہ ’مذکورہ تصویر میں اُن کے ساتھ اُن کی نانی، امّی، بیٹی اور پوتا موجود ہیں جبکہ یہ تصویر 14 سال قبل لی گئی تھی۔‘

بشریٰ انصاری کالج کے دنوں میں کیسی نظر آتی تھیں؟

پاکستان شوبز انڈسٹری کی سینئر اداکارہ بشریٰ انصاری کے کالج کے دنوں کی تصویر انٹرنیٹ پر مقبول ہوگئی۔

اس کے علاوہ بشریٰ انصاری نے اپنی جوانی کی ایک تصویر بھی اپنے مداحوں کے ساتھ شیئر کی ہے جس میں اُنہوں نے اس دور کے حساب سے فیشن کو فالو کیا ہوا ہے۔

بشریٰ انصاری نے تصویر شیئر کرتے ہوئے بتایا کہ’یہ تصویر سال 1990 میں لی گئی تھی۔‘

واضح رہے کہ بشریٰ انصاری گزشتہ کچھ دنوں سے انسٹاگرام پر ماضی کی حسین یادیں مداحوں کے ساتھ شیئرکرتی دکھائی دے رہی ہیں۔

ایک نظر بشریٰ انصاری اور میڈم نور جہاں کی حسین یاد پر

سال 1978سے شوبز انڈسٹری پر راج کرنے والی سینئر اداکارہ بشریٰ انصاری کی جانب سے ہردلعزیز ملکہ ترنم میڈم نور جہاں کو خراج عقیدت پیش کیا گیا ہے۔

اس سے قبل بشریٰ انصاری نے انسٹاگرام پر شہید محترمہ بے نظیر بھٹو کے ہمراہ اپنی وہ نایاب تصویر شیئر کی تھی جو سال 1989میں لی گئی تھی۔

بشریٰ انصاری نے انسٹاگرام پر تصویر پوسٹ کرتے ہوئے کیپشن میں لکھا تھا کہ ’سال 1989 کی یادیں شہید محترمہ بےنظیر بھٹو کے ساتھ۔‘

بشریٰ انصاری معروف شاعر گلزار سے کب ملی تھیں؟

فلم و ٹی وی انڈسٹری کی سینئر اداکارہ بشریٰ انصاری اور اردو شاعری کو ایک نئی جہت دینے والے بھارت کے مشہور شاعر، نغمہ نگار اور ہدایتکار گلزار صاحب کی تصویر انٹرنیٹ پر مقبول ہوگئی۔

خیال رہے کہ پاکستان کی معروف اداکارہ بشریٰ انصاری 1978سے شوبز انڈسٹری کا حصہ ہیں اور طویل عرصے سے انڈسٹری پر راج کررہی ہیں۔