آپ آف لائن ہیں
منگل5؍جمادی الثانی 1442ھ 19؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

محمد رضوان نے دورہ نیوز ی لینڈ کےلیے اپنا ہدف سیٹ کرلیا

پاکستان کرکٹ ٹیم کے وکٹ کیپر بیٹسمین اور ٹیسٹ ٹیم کے نائب کپتان محمد رضوان نے دورہ نیوز ی لینڈ کے لیے اپنا ہدف سیٹ کرلیا۔

محمد رضوان نے نیوزی لینڈ کے خلاف سیریز میں 3 فیگرز (سنچری) اسکور کرنے پر نظریں لگالی ہیں۔

نیوزی لینڈ روانگی سے قبل جیو نیوز سے گفتگو میں قومی وکٹ کیپر بیٹسمین نے خواہش ظاہر کی کہ وہ ٹیسٹ کرکٹ میں بھی سنچری اسکور کریں گے۔


28 سالہ محمد رضوان نے مزید کہا کہ پاکستان کی نمائندگی کرنا ایک فخر کی بات ہے، ساتھ ہی انہیں نائب کپتانی بھی مل گئی ہے، اس ذمے داری کو بھرپور انداز سے نبھانے کی کوشش کریں گے۔

انہوں نے کہا کہ نیوزی لینڈ کے خلاف سیریز میں بہتر کارکردگی دکھانے کے لیے ڈبل محنت کرنا ہوگی۔

محمد رضوان نے یہ بھی کہا کہ ڈ بیو کے بعد سے مستقل وکٹ کیپر بننے کے لیے وقت تک کا انتظار کرنا پڑا لیکن یہ پاکستان میں فطری بات ہے۔

ان کا کہنا تھا کہ 22 کروڑ آبادی کے ملک میں ایک پلیئر وکٹ کیپر بنتا ہے اور جب اس کو ذمہ داری ملتی ہے تو وہ طویل مدت کیلئے ملتی ہے۔

کھیلوں کی خبریں سے مزید