ایڈن گارڈن کیس، LDA کو نوٹس جاری

25 نومبر ، 2020

سپریم کورٹ آف پاکستان نے ایڈن گارڈن ہاؤسنگ سوسائٹی لاہور سے متعلق کیس کی سماعت کے دوران ایل ڈی اے کو نوٹس جاری کر دیا۔

جسٹس عمر عطاء بندیال کی سربراہی میں 3 رکنی بینچ نے کیس کی سماعت کی۔

ڈی ایچ اے کے وکیل نے بتایا کہ کچھ مسائل کے باعث سوسائٹی دوسری جگہ منتقل کی جا رہی ہے، جس جگہ سوسائٹی بننی تھی وہ گرین ایریا ہے۔

انہوں نے مزید بتایا کہ کچھ حصہ دریائے راوی کا آتا ہے، ہم نے دو تین متبادل جگہوں کی نشاندہی بھی کی ہے۔

جسٹس عمر عطاء بندیال نے کہا کہ ہم اس طرح سوسائٹی دوسری جگہ منتقل کرنے کی اجازت نہیں دے سکتے، اس سوسائٹی میں ایک بڑی رقم لوگوں نے انویسٹ کی ہے، سوسائٹی کی منتقلی سے متعلق تمام ایشوز پر عدالت کو مطمئن کرنا ہوگا۔

یہ بھی پڑھیے

جسٹس مظہرعالم نے کہا کہ جو سوسائٹیز بھی بن رہی ہیں ایگریکلچر لینڈ پر بن رہی ہیں، سوسائٹیز کی وجہ سے ایگریکلچر لینڈ تباہ ہو رہی ہے، بلڈنگ رولز ایگریکلچر لینڈ پر تعمیرات کی اجازت نہیں دیتے۔

جسٹس عمر عطاء بندیال کا کہنا تھا کہ سارا سبزہ تو آپ نے ختم کر دیا ہے، سوسائٹیز وہاں ہونی چاہئیں جہاں ایگریکلچر لینڈ نہ ہو، اسلام آباد کا بھی یہی حال کیا گیا ہے، ساری دنیا میں صحرا میں تعمیرات ہورہی ہیں۔

تازہ ترین