آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا وائرس، جرمنی کا حفاظتی اقدامات مزید سخت کرنیکا اعلان


خبر ایجنسی کا کہنا ہے کہ جرمنی نے عالمی وباء کورونا وائرس کے سبب حفاظتی اقدامات مزید سخت کرنے کا اعلان کردیا۔

جرمن چانسلر انگیلا مرکل کے مطابق نومبر میں کورونا کے سبب عائد پابندیاں 20 دسمبر تک جاری رہیں گی۔ عوام اب بھی غیر ضروری ملاقاتیں اور سفر سے گریز کریں۔

جرمن چانسلر انگیلا مرکل نے کہا کہ ایمپلائرز گھر سےکام کرنے کے لیے تمام آپشن استعمال کریں، 23 دسمبر سے نیو ایئر تک 10افراد پر مشتمل تقاریب کی اجازت ہوگی۔

انہوں نے کہا کہ کورونا کے خلاف جزوی کامیابی کافی نہیں ہے، کورونا کے یومیہ بنیاد پر رپورٹ ہونے والے کیسز کی تعداد اب بھی زیادہ ہے۔

انگیلا مرکل کا کہنا ہے کہ لاک ڈاون کی پابندی کرنے پر جرمن عوام کے شکر گزار ہیں، اُمید ہے2021 اپنے ساتھ آسانی لائے گا۔

بین الاقوامی خبریں سے مزید