آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مقابلے میں مارے جانیوالے ڈرائیور کی مالکن نے اپنے ملازم کے بے گناہ ہونے کا دعویٰ کردیا


کراچی کے علاقے ڈیفنس میں مبینہ پولیس مقابلےکا معاملے میں نیا موڑ آگیا، مالک مکان کی اہلیہ لیلیٰ پروین نے اپنے ویڈیو بیان میں ڈرائیور کے بے گناہ ہونے کا دعویٰ کر دیا، انہوں نے کہا کہ رات ساڑھے 4 بجے میرے گھر پر پولیس اہلکار آئے اور ڈرائیور کو لےگئے۔

لیلیٰ پروین نے کہا کہ میری ساس، نند، اور میرا ڈرائیور گھر پر موجود تھا، میری ساس ایک ہفتےسے بیمار تھی اوراسپتال میں داخل تھیں۔

خاتون نے کہا کہ رات کو ہی ڈرائیور میری ساس کو ڈسچارج کرا کے گھر لایا تھا، پولیس اہلکار ہماری گاڑی بھی ساتھ لے گئے ہیں۔

انہوں نے کہا کہ پوچھنا چاہتی ہوں اگر ڈرائیور غریب تھا تو آپ بلاوجہ اُس کی جان لے سکتے ہیں؟ ڈرائیور گھر پر سورہا تھا تو آپ نے پکڑ لیا، پھر اُسے کیوں مارا؟۔


لیلیٰ پروین نے کہا کہ میں ڈرائیور کی بیوی اور اس کے 3 بچوں کو کیا جواب دوں؟ میرا ڈرائیور بے گناہ تھا، مجھے اُس کے لیے انصاف چاہیے۔

قومی خبریں سے مزید