آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلاول بھٹو نے بختاور کی منگنی میں ورچوئل طریقے سے شرکت کی

کورونا وائرس سے متاثر پاکستان پیپلز پارٹی کے چیئرمین بلاول بھٹو زرداری اپنی بہن بختاور بھٹو کی منگنی کی تقریب میں ورچوئل طریقے سے شریک ہوئے۔

تقریب میں موجود آصفہ بھٹو زرداری نے انٹرنیٹ پر موجود بلاول بھٹو کو مہمانوں سے ملوایا۔

بلاول بھٹو زرداری نے کیمرے کے ذریعے فرداً فرداً تمام مہمانوں کا شکریہ ادا کیا۔

ذرائع کا کہنا ہے کہ بختاور بھٹو کی منگنی کی تقریب میں صنم بھٹو،فریال تالپور، ڈاکٹر عذرا پیچوہو شریک ہوئیں، جبکہ ڈاکٹرعاصم حسین،انور مجید، اے جی مجید، ریاض لال جی بھی شریک ہوئے ۔

منگنی کی تقریب میں متحدہ عرب امارات سے آئے غیرملکی مہمان بھی شریک ہوئے،  محمود بٹ اور ان کے خاندان کے افراد بلاول ہاؤس سے ہوٹل روانہ ہوگئے، منگنی کی تقریب میں مہمانوں کی تواضع پاکستانی اور انگریزی کھانوں سے کی گئی۔


بختاور کی منگنی میں کوفتے، بریانی، چکن بروسٹ اور مچھلی مینو میں شامل تھا، جبکہ بچوں کے کھانے کی خصوصی ڈشز بھی تیار کی گئیں تھیں ۔

سابق صدر آصف زرداری تمام وقت تقریب میں مہمانوں سے ملتے اورمبارکباد وصول کرتے رہے۔

قومی خبریں سے مزید