• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا وائرس بھارت سے شروع ہوکر دنیا میں پھیلا ، چین کا دعویٰ

تازہ ترین
بین الاقوامی خبریں
28 نومبر ، 2020


چینی سائنسدانوں کی ایک ٹیم نے دعویٰ کیا ہے کہ کورونا وائرس بھارت سے شروع ہوا اور وہیں سے پوری دنیا میں پھیلا ہے۔

برطانوی نشریاتی ادارے کی رپورٹ کے مطابق چین کی اکیڈمی آف سائنسز کے سائنس دانوں کی ایک ٹیم کا کہنا ہے کہ ممکنہ طور پر کورونا وائرس 2019 میں گرمیوں کے موسم میں بھارت میں پیدا ہوا تھا۔

چینی سائنس دانوں کا دعویٰ ہے کہ کورونا وائرس جانوروں کے ذریعے گندے پانی سے انسانوں تک پہنچا۔ اس کے بعد یہ بھارت سے چین کےشہر  ووہان میں پہنچا، جہاں اس کی پہلی بار شناخت کی گئی۔

یہ بھی پڑھیے


چینی سائنس دانوں کا یہ بھی کہنا ہے کہ بھارت کے صحت کے خراب نظام اور نوجوان آبادی کی وجہ سے کورونا وائرس کئی مہینوں تک بغیر کسی تشخیص کے لوگوں کو متاثر کرتا رہا ہے۔

دوسری جانب دیگر ممالک کے سائنس دانوں نے چینی سائنس دانوں کے اس دعوے کی تردید کرتے ہوئے ان کی تحقیق کو ناقص قرار دیا ہے۔

تازہ ترین