آپ آف لائن ہیں
پیر4؍جمادی الثانی 1442ھ 18؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پشاور، پہلی خاتون ٹریفک پولیس DSP تعینات


پشاور پولیس میں خواتین اہلکاروں کی تعداد میں دن بہ دن اضافہ ہو رہا ہے، خواتین اب ٹریفک کا نظام سنبھالنے اور ٹریفک قوانین سے متعلق آگاہی اور لائسنس دینے کے فرائض بھی انجام دے رہی ہیں۔

ڈی ایس پی انیلہ ناز پشاور پولیس کی پہلی خاتون ٹریفک پولیس افسر ہیں جو پشاور کی سڑکوں پر ڈرائیورز کے لائسنس چیک کرتی اور ان کو ٹریفک قوانین کے بارے میں آگاہی دیتی نظر آئیں گی۔

خیبر پختون خوا کی پہلی موٹر لائسنس اتھارٹی کی خاتون افسر انیلہ ناز کا کہنا ہے کہ وہ پہلی خاتون ہیں جنہیں یہ عہدہ دیا گیا ہے۔

لکی مروت کی ڈی ایس پی انیلہ ناز کا کہنا ہے کہ ان کے علاقہ میں لڑکیوں کی تعلیم کو معیوب سمجھا جاتا تھا، پولیس افسر بننے پر ان کو تنقید کا نشانہ بھی بنایا گیا۔

اُن کا کہنا ہے کہ جو لوگ اُن پر تنقید کرتے تھے اب وہی لوگ اپنی بچیوں کو اسکول بھیج رہے ہیں۔

ڈی ایس پی انیلہ ناز کا پس ماندہ علاقے میں رہتے ہوئے تعلیم مکمل کرنا اور اپنی قابلیت کے بل بوتے پولیس افسر بننا یقیناً دوسری خواتین کے لیے مشعل راہ ہے۔

قومی خبریں سے مزید