علی ظفر میشا شفیع کیس، عفت عمر کی جرح نہ کرنے کی استدعا

علی ظفر کی جانب سے میشا شفیع پر کیے جانے والے ہتک عزت کے دعوی پر کیس کی سماعت 12 دسمبر تک ملتوی کردی گئی، اداکارہ عفت عمر نے کمرہ عدالت میں کہا کہ جرح نہ کی جائے وہ کراچی سے آئی ہیں تھکاوٹ کا شکار ہیں ۔

لاہورسیشن کورٹ میں علی ظفر کی جانب سے میشا شفیع پر کیے جانے والے ہتک عزت کے دعوی پرسماعت ہوئی،عدالت میں ادکارہ عفت عمر بطور میشا شفیع کے گواہ کے پیش ہوئیں۔

جنسی ہراسانی کا الزام لگانے والی خاتون کی علی ظفر سے معذرت

گلوکار و اداکار علی ظفر پر جنسی ہراسانی کا بے بنیاد الزام لگانے والی فیشن بلاگر حمنہ رضا نے معافی مانگتے ہوئے کہا کہ انہوں نے علی ظفر پر جھوٹا الزام ایک غلط فہمی کی بنیاد پر لگایا۔

انہوں نے عدالت بیان پر جرح نہ کرنے کی استدعا کردی اور کمرۂ عدالت میں کہا کہ ابھی کراچی سے آئی ہوں ، تھکاوٹ کا شکار ہوں۔

ایڈیشنل سیشن جج امیتاز علی نے علی ظفر کی درخواست پر سماعت کرتے ہوئے کیس کی سماعت 12 دسمبر تک ملتوی کردی۔

ادکارہ عفت عمر نے میڈیا سے گفتگو کرتے ہوئے کہا کہ علی ظفر نے جھوٹے مقدمات درج کروائے ہیں، ہم بھاگنے والے نہیں ہیں ، جھوٹ کے پاؤں نہیں ہوتے، ہم سچ کے ساتھ کھڑے ہیں ۔