فرمان الہی
نماز کے اوقات
ملتان (نمائندہ جنگ) پیپلز پارٹی کی مرکزی رہنما آصفہ بھٹو زرداری اپنے پہلے سیاسی جلسے سے خطاب کیلئے گزشتہ روز دن ساڑھے گیارہ بجے خصوصی چارٹرڈ طیارے کے ذریعے ملتان پہنچیں۔ ایئرپورٹ پر ان کا استقبال سابق وزیراعظم یوسف رضا گیلانی، شہلارضا، سعید غنی، شگفتہ رحمان اور دیگر رہنماؤں نے کیا۔ ایئرپورٹ سے انہیں گیلانی ہاؤس لایا گیا جہاں یوسف رضا گیلانی کی صاحبزادی سیدہ فضہ گیلانی نے ان کا استقبال کیا۔ اخترمینگل اور محمود خان اچکزئی نے بھی آصفہ کو خوش آمدید کہا۔ یہاں سے وہ ایک بڑی ریلی کی قیادت کرتے ہوئے سٹیڈیم روانہ ہوئیں۔دریں اثناء انٹر نیٹ سروس بند ہونے کے باعث بلاول بھٹو زرداری کا پی ڈی ایم ملتان کے جلسے سے ویڈیو لنک خطاب نہہو سکا ، جس پر منتظمین نے کارکنان سے معذرت بھی کی ، بلاول بھٹو زرداری کے خطابکے لیے ایس ایم ڈی موجود تھی ، لیکن انٹرنیٹ کنکشننہہونے سے خطاب نشر نہ کیا جا سکا ۔
