آپ آف لائن ہیں
بدھ6؍ جمادی الثانی 1442ھ 20؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

محکمہ ٹرانسپورٹ نے کرونا ایس او پیز کی خلاف ورزی پر 5اڈے سیل کئے

پشاور(نیوزڈیسک)صوبائی وزیر ٹرانسپورٹ اور چیف سیکرٹری کی ہدایات پر محکمہ ٹرانسپورٹ کاصوبے بھر میں کرونا ایس او پیز پر عملدرآمد کیلئے آپریشن زور وشور سے جاری ہے اور روزانہ کی بنیاد پر پورے صوبے میں ایس او پیز پر عمل درآمد کی رپورٹ بھی تیار کی جارہی ہے محکمہ ٹرانسپورٹ کی تازہ ترین رپورٹ کے مطابق صوبے بھر میں 16886 گاڑیوں کو ایس او پیز کی خلاف ورزی پرتقریباً 45 لاکھ کے جرمانے عائد کئے گئے ہیں اور ساتھ ساتھ ایس او پیز کی خلاف ورزی پر پانچ اڈے سیل اور 945 اڈوں کو وارننگ جاری کی ہیں ڈائریکٹر ٹرانسپورٹ ارشد خان آفریدی کا کہنا ہے کہ تمام بس اڈوں میں کرونا ایس او پیز کو واضح طور پر آویزاں کیا جائے اور اس کے ساتھ ساتھ تمام مسافروں میں سماجی فاصلہ برقرار رکھنے اور ماسک لگانے کو بھی یقینی بنایا جائے خلاف ورزی کی صورت میں تادیبی کارروائی عمل میں لائی جائے گی انہوں نے مزید کہا کہ متعلقہ حکام کو ہدایت کی گئی ہے کہ بس اڈوں پر باقاعدگی سے سینٹائزر کا اہتمام کیا جائے اور مسافروں کو صابن سے ہاتھ دھونے کی سہولیات فراہم کی جائیں اور تمام گاڑیوں کے عملے کو ایس او پیز پر عملدرآمد کی باقاعدہ تربیت فراہم کی جائے انہوں نے کہا کہ چیف سیکرٹری کی ہدایت کے مطابق کرونا وائرس ایس او پیز کی خلاف ورزی کسی صورت برداشت نہیں کی جائے

گی۔

پشاور سے مزید