آپ آف لائن ہیں
جمعہ8؍ جمادی الثانی 1442ھ 22؍ جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اسسٹنٹ کمشنر دریا خان کی کاشتکار پر تشدد کی مبینہ ویڈیو وائرل



اسسٹنٹ کمشنر دریا خان کی کاشتکار پر تشدد کی مبینہ ویڈیو شوشل میڈیا پر وائرل ہوگئی ہے، ویڈیو میں اے سی دریا خان کو کاشتکار کے پیچھے دوڑتے اور اسے زمین پر گراتے دیکھا جاسکتا ہے۔

اسسٹنٹ کمشنر کو کاشتکار پر ڈنڈا برساتے اور گاڑی میں ڈال کر لے جاتے ہوئے بھی دیکھا جاسکتا ہے، واقعہ گزشتہ روز کہاوڑ کلاں میں گنے کی خریداری کے مرکز پر پیش آیا۔

ویڈیو وائرل ہونے پر اے سی احمد بن ماجد نے میڈیا سے گفتگو کی، انہوں نے متاثرہ کاشتکار پرویز کو بھی میڈیا کے سامنے پیش کردیا۔

اسسٹنٹ کمشنر کا کہنا تھا کہ اس نے کاشکار پر تشدد نہیں کیا بلکہ گرنے پر اسے اٹھایا تھا، گنے کی خریداری کے مرکز کو غیرقانونی قرار دے کر سیل کردیا گیا تھا، کاشتکار سیل کئے گئے غیرقانونی مرکز پر گنا بیچنے آیا تھا۔


انہوں نے کہا کہ سیل توڑنے پر پکڑنے کی کوشش کی گئی تو کاشتکار بھاگ رہا تھا۔

اسسٹنٹ کمشنر نے متاثرہ کاشتکار کا بیان بھی اے سی آفس میں ریکارڈ کروادیا، جس میں کاشتکار نے کہا کہ اے سی نے اسے تشدد کا نشانہ نہیں بنایا، اے سی نے زمین پر گرنے کے بعد اٹھنے میں اسکی مدد کی۔

قومی خبریں سے مزید