آپ آف لائن ہیں
اتوار10؍جمادی الثانی 1442ھ 24؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

رابی پیرزادہ نے وفاقی وزیر علی محمد خان سے داد سمیٹ لی

وفاقی وزیر برائے پارلیمانی امور علی محمد خان نے بھی سابقہ گلوکارہ رابی پیرزادہ کی پینٹنگ کی تعریف کی ہے۔

حال ہی میں رابی پیرزادہ نے مادرِ ملت محترمہ فاطمہ جناح کو خراجِ عقیدت پیش کرتے ہوئے اُن کی خوبصورت پینٹنگ بنائی تھی جس کی تصویر اُنہوں نے اپنے ٹوئٹر اکاؤنٹ پر شیئر کی تھی۔

رابی پیرزادہ کی اس پینٹنگ کو جہاں ٹوئٹر صارفین کی جانب سے سراہایا گیا تو وہیں وفاقی وزیر برائے پارلیمانی امور علی محمد خان بھی کسی سے پیچھے نہ رہے۔





علی محمد خان نے سماجی رابطے کی ویب سائٹ ٹوئٹر پر موجود اپنے تصدیق شدہ اکاؤنٹ پر رابی پیرزادہ کا وہ ٹوئٹ شیئر کیا جو اُنہوں نے مادرِ ملت محترمہ فاطمہ جناح کی پینٹنگ سے متعلق کیا تھا۔

وفاقی وزیر نے رابی پیرزادہ کے فن کو سراہاتے ہوئے لکھا ’ماشاءاللّہ۔‘

دوسری جانب رابی پیرزادہ نے علی محمد خان کی جانب سے ملنے والی داد کا شکریہ ادا کرتے ہوئے کہا کہ ’ ایک اچھا رہنما ہمیشہ اپنے لوگوں کی حوصلہ افزائی کرتا ہے۔‘

واضح رہے کہ گزشتہ سال شوبز انڈسٹری سے کنارہ کشی اختیار کرنے والی رابی پیرزادہ نے شوبز چھوڑنے کے بعد مصوری کو اپنا ذریعۂ معاش بنالیا ہے، اس کے علاوہ وہ فلاحی کاموں میں بھی بڑھ چڑھ کر حصہ لیتی نظر آتی ہیں۔

انٹرٹینمنٹ سے مزید