کراچی: پولٹری خرید و فروخت کے اوپن آکشن کا نظام نافذ

کمشنر کراچی افتخار شالوانی نے مرغی اور انڈوں کی قیمتوں میں بے تحاشہ اضافے کی روک تھام اور ان کی قیمت ہول سیل میں شفاف طریقہ سے مقرر کرنے کے لئے مرغی اور انڈوں کی ہول سیل خریدو فروخت کے اوپن آکشن کا نظام نافذ کرنے کا فیصلہ کیا ہے۔

کمشنر کراچی افتخار شالوانی کے جاری نوٹیفکیشن کے مطابق مرغی اور انڈوں کی خرید و فروخت کو مارکیٹ کمیٹی کے قواعد اور طریقہ کار سے مشرو ط کیا جائے گا ، فیصلے پر 10 دسمبر سے عملدرآمد کیا جائے گا ۔

سردی آتے ہی مرغی کے انڈوں کی قیمت کو پر لگ گئے

سکھر 186، روپے فی درجن اور بہاولپور میں انڈے 184 روپے فی درجن تک پہنچ گئے۔

نوٹیفکیشن میں کہا گیا ہے کہ ضروری اشیاء کی قیمتوں کو کنٹرول کرنے اور ناجائز منا فع خوری اور ذخیرہ اندوزی کی روک تھام سے متعلق ایکٹ مجریہ 2005 کے سیکشن 3 کے تحت انڈوں مرغی اور مرغی کے گوشت کی خرید و فروخت صرف نیو سبزی منڈی میں مارکیٹ کمیٹی کے قواعد کے تحت اوپن آکشن کے ذریعے ہوسکے گی ۔

کمشنر کے جاری نوٹیفکیشن کے مطابق تمام ڈیلرز، خریدار اور کوئی بھی شخص اس طریقہ کار کے تحت خریدو فروخت پا بندہوگا۔