آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مریم نوازکا اصلی ٹھکانہ جیل ہے، فردوس عاشق اعوان

وزیراعلیٰ پنجاب کی معاون خصوصی ڈاکٹر فردوس عاشق اعوان کہتی ہیں کہ مریم نواز کا اصلی ٹھکانہ جیل ہے اب عدالت فیصلہ کرے گی کہ مریم نواز کو کب اصلی گھر بھیجنا ہے۔

لاہور سے جاری کیے گئے اپنے بیان میں فردوس عاشق اعوان نے کہا کہ مریم نواز روز سیاسی چٹکلے چھوڑ رہی ہیں، مریم روز کہتی ہیں حکومت جانے والی ہے۔

فردوس عاشق اعوان نے کہا کہ حکومت کہیں نہیں جارہی البتہ مریم نواز ضمانت پر ہیں، مریم نواز ضمانت خارج ہونے کے بعد جیل جا رہی ہیں۔





اُنہوں نے کہا کہ مریم نواز ضمانت کا ناجائز فائدہ اٹھا کر گلی گلی جا رہی ہیں، انہیں چاہیےکہ آرام و سکون کی جگہ پر جانےکی تیاری کریں۔

فردوس عاشق اعوان نے یہ بھی کہا کہ حق کی طاقت میں جرات اور بہادری ہوتی ہے، میں نے پی ڈی ایم کو ذہن میں رکھ کر ٹائلوں کو مکا مارا۔

اُن کا مزید کہنا تھا کہ پی ڈی ایم عوام سےکھیل رہی ہے، ان کوسمجھ نہیں آرہی۔

قومی خبریں سے مزید