• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جسٹن ٹروڈو کا بھارتی کسانوں کے احتجاج کی حمایت کا اعادہ

تازہ ترین
بین الاقوامی خبریں
05 دسمبر ، 2020
جسٹن ٹروڈو کا بھارتی کسانوں کے احتجاج کی حمایت کا عادہ

کینڈین وزیر اعظم جسٹن ٹروڈو نے مودی سرکار کے احتجاج کو مسترد کرتے ہوئے ایک بار پھر بھارتی کسانوں کی حمایت کا اعادہ کیا ہے۔

اوٹاوہ میں پریس کانفرنس کے دوران بھارتی بیان سے متعلق ایک سوال پر جسٹن ٹروڈو کا کہنا تھا کہ دنیا بھر میں جہاں بھی اپنے حق کے لیے پرامن احتجاج ہو کینیڈا ہمیشہ اس کے ساتھ کھڑا ہوگا، ہمیں خوشی ہے کہ کشیدگی ختم کرنے اور بات چیت کے لیے اقدامات کیے جارہے ہیں۔

جب ان سے سنگین نتائج سے متعلق سوال کیا گیا تو انہوں نے اپنے مؤقف کو ایک بار پھر دہرایا۔

چند روز قبل کینیڈین وزیراعظم نے ایک بیان میں بھارتی کسانوں کے احتجاج پر تشویش کا اظہار کرتے ہوئے کہا تھا کہ کینیڈا بھارتی کسانوں کے پرامن احتجاج کے دفاع میں ہمیشہ ان کے ساتھ ہوگا۔

کینڈین وزیراعظم کے اس بیان پر بھارتی وزارت داخلہ نے گذشتہ روز کینیڈین ہائی کمشنر کو طلب کرکے جسٹن ٹروڈو کے بیان پر احتجاج کیا۔

بھارتی وزارت داخلہ کا کہنا ہے کہ کسانوں کے احتجاج پر کینیڈین وزیراعظم اور پارلیمنٹ کے دیگر ارکان کا بیان ملک کے داخلی امور میں ’ناقابل قبول‘ مداخلت ہے۔

یہ بھی پڑھیے


بھارتی وزارت داخلہ کا مزید کہنا ہے کہ اگر اس طرح کے اقدامات جاری رہے تو اس سے دو طرفہ تعلقات میں سنگین نوعیت کے اثرات مرتب ہوں گے۔

واضح رہے کہ چند روز قبل کینیڈین وزیراعظم نے ایک بیان میں بھارتی کسانوں کے احتجاج پر تشویش کا اظہار کرتے ہوئے کہا تھا کہ کینیڈا بھارتی کسانوں کے پرامن احتجاج کے دفاع میں ہمیشہ ان کے ساتھ ہوگا۔

انہوں نے اس بات کی بھی تصدیق کی کہ کینیڈا کسانوں کے معاملے پر بھارتی حکومت سے رابطے میں ہے۔

کسانوں کی حمایت پر کینڈین وزیراعظم کا یہ بیان بھارتی حکومت کو بالکل پسند نہیں آیا تھا اور فوری طور پر اپنے ردِعمل کا اظہار کرتے ہوئے اسے کم علمی اور غیر ضروری قرار دے دیا تھا۔

بھارتی وزارت خارجہ کا کہنا ہے کہ بہتر یہی ہے کہ سفارتی بات چیت کو سیاسی ضرورت کے لیے توڑ مروڑ کر نہ پیش کیا جائے۔

بھارت میں نئے زرعی قوانین کیخلاف گذشتہ 20 روز سے ریاست پنجاب، ہریانہ، دلی، راجستھان اور اترپردیش کے کسانوں کا احتجاج جاری ہے۔

کسان لیڈروں نے وارننگ دیتے ہوئےکہا کہ اگر ان کے تمام مطالبات تسلیم نہیں کیے گئے تو وہ دلی کے اہم ہائی ویز جام کرکے آمد ورفت پوری طرح سے بند کردیں گے۔

تازہ ترین