فرمان الہی
نماز کے اوقات
اسلام آباد میں جاری انٹرنیشنل اسکواش ٹورنامنٹ کے دوسرے روز مینز ایونٹ کے دوسرے راؤنڈ میں طیب اسلم، وقاص محبوب، فرحان زمان اور ناصر اقبال نے اپنے اپنے میچز جیت لیے۔
ویمن ایونٹ کے پہلے راؤنڈ میں مقدس اشرف اور مدینہ ظفر بھی جیت گئیں۔
مصحف اسکواش کمپلیکس میں کھیلے جارہے ایونٹ میں مردوں کے پری کوارٹر فائنلز ہوئے جس میں طیب اسلم نے نور زمان، محمد فرحان ہاشمی نے ظاہر شاہ، اسرار احمد نے سید علی بخاری اور وقاص محبوب نے فرحان محبوب کو تین صفر سے ہرایا۔
عماد فرید نے محمد بلال کو تین ایک سے مات دی، فرحان زمان نے حارث قاسم کے خلاف کامیابی حاصل کی جبکہ ناصر اقبال نے دانش اطلس خان کو تین صفر سے زیر کیا۔
خواتین کے مقابلوں میں آمنہ فیاض نے زینب خان، انعم مصطفیٰ نے الثہ عمران اور صائمہ شوکت نے نورالعین کو تین صفر سے شکست دی، مدینہ ظفر نے نورین شمس کے خلاف تین صفر سے میچ جیتا۔
مقدس اشرف نے ایمن شہباز کو ہرایا، نور الہدیٰ نے فہمیدہ عاصم کو زیر کیا، رُشنا محبوب نے نمرہ عقیل کو اور فائزہ ظفر نے سعدیہ گل کو مات دی۔
