آپ آف لائن ہیں
ہفتہ14؍رجب المرجب 1442ھ 27؍فروری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کراچی میں پچھلے دس دنوں میں کورونا وائرس کی شرح زیادہ رہی، سعید غنی

وزیر تعلیم سندھ اور پیپلز پارٹی کے رہنما سعید غنی کا کہنا ہے کہ کراچی میں پچھلے دس دنوں میں کورونا وائرس کی شرح زیادہ رہی۔

پیپلز پارٹی کے رہنما سعید غنی نے پروگرام جیو پاکستان میں گفتگو کرتے ہوئے کہا کہ بڑے شہروں میں جہاں آبادی زیادہ ہے وہاں کورونا وائرس کی شرح زیادہ ہے۔

انہوں نے کہا کہ کورونا کی پہلی لہر میں آئیڈیا نہیں تھا کہ کیا کرنا ہے لیکن آج ہمیں کورونا ایس او پیز کا پتہ ہے کہ کیا کرنا ہے۔

سعید غنی نے کہا کہ کورونا وائرس میں بنیادی چیز یہ ہے کہ لوگ ملنا جلنا کم کریں اور اپنی ایکٹی ویٹی کم کریں۔

رہنما پیپلز پارٹی نے مزید کہا کہ اسپتالوں میں سہولت کے حوالے سے کورونا وائرس کی صورتحال بہتر ہے، اسپتالوں میں ہمارے پاس وینٹی لیٹرز موجود ہیں۔

قومی خبریں سے مزید