عبدالحفیظ شیخ کی بطور وزیرِ خزانہ تقرری کا نوٹیفکیشن جاری

وفاقی حکومت کی جانب سے ڈاکٹر عبدالحفیظ شیخ کا بطور وفاقی وزیرِ خزانہ تقرری کا نوٹی فکیشن جاری کر دیا گیا ہے۔

شیخ رشید داخلہ، سواتی ریلوے،حفیظ شیخ خزانے کے وزیر

وفاقی کابینہ میں بڑے پیمانے پر رد و بدل کی گئی ہے، جس کے بعد وفاقی وزیر شیخ رشید سے وزارت ریلوے کا منصب لے کر وزیرِ داخلہ بنا دیا گیا ہے، ان کی جگہ وزارتِ ریلوے اعظم سواتی کو دے دی گئی ہے۔

وزیرِاعظم عمران خان نے ڈاکٹر عبدالحفیظ شیخ سے ریونیو اور ایف بی آر کا قلمدان واپس لے کر انہیں وفاقی وزیرِ خزانہ کا قلمدان دے دیا ہے۔

صدرِمملکت ڈاکٹر عارف علوی نے وزیرِ اعظم عمران خان کی ایڈوائس پر عبدالحفیظ شیخ کو وفاقی وزیر تعینات کیا ہے۔

تعیناتی کے بعد عبدالحفیظ شیخ بطور مشیرِخزانہ و ریونیو کے عہدے سے سبکدوش ہو جائیں گے۔

آج ہی صدرِ مملکت ڈاکٹر عارف علوی نے ایوانِ صدر اسلام آباد میں ڈاکٹر عبدالحفیظ شیخ سے وفاقی وزیر کا حلف لیا ہے۔