آج کا جلسہ حکمرانوں کی نیندیں اُڑا دے گا، قمر زمان کائرہ

پاکستان پیپلز پارٹی پنجاب کے صدر قمر زمان کائرہ کا کہنا ہے کہ آج کا جلسہ حکمرانوں کی نیندیں اُڑا دے گا۔

لاہور سے جاری کردہ اپنے بیان میں قمر زمان کائرہ نے کہا کہ آج لاہور کے جیالے پاکستان پیپلز پارٹی کے چئیرمین بلاول بھٹو زرداری کا استقبال کریں گے۔

قمر زمان کائرہ نے کہا کہ عوام آج کٹھ پتلی حکمرانوں کو الوداع کہنے آئیں گے۔

لاہور میں پی ڈی ایم کا پاور شو آج ہوگا

مینار پاکستان گراؤنڈ میں قائدین کے لیے کنٹینر منگوالیے گئے، شرکا کے لیے کرسیاں لگ گئیں۔

اُنہوں نے یہ بھی کہا کہ لاہوری آج منہگائی، غربت اور بے روزگاری سے نجات کے لیے نکلیں گے۔

اُن کا مزید کہنا تھا کہ ہم کٹھ پتلی کو نکال کر کسی مداخلت کے بغیر الیکشن چاہتے ہیں۔

واضح رہے کہ لاہور میں حکومت مخالف اتحاد پاکستان ڈیموکریٹک موومنٹ کا پاور شو آج ہونے جا رہا ہے۔

PDM جلسہ، گریٹر اقبال پارک کا کونسا گیٹ کس کیلئے مختص

لاہور کے گریٹر اقبال پارک میں مینارِ پاکستان تلے آج اپوزیشن کے اتحاد پاکستان ڈیموکریٹک موومنٹ (پی ڈی ایم) کا جلسہ ہونے جا رہا ہے، پارک کے 6 گیٹ ہیں اور جلسے کی انتظامیہ کی جانب سے طے کر لیا گیا ہے کہ کس گیٹ سے کون آئے گا۔

مینارِ پاکستان کے گراؤنڈ میں قائدین کے لیے کنٹینر منگوا لیے گئے ہیں، شرکاء کے لیے کرسیاں لگ گئی ہیں۔

اپوزیشن اتحاد کے جلسے کی سیکیورٹی جمعیت علمائے اسلام (ف) کے کارکنوں کے سپرد کر دی گئی ہے۔