آپ آف لائن ہیں
جمعہ13؍ رجب المرجب 1442ھ 26؍فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پی ڈی ایم مجھے بلیک میل کرکے لوٹی رقم بچانا چاہتے ہیں،وزیر اعظم عمران خان


وزیراعظم عمران خان نے کہا ہے کہ پی ڈی ایم نے پیسا اور وقت برباد کرکے کورونا کی وبا میں عوام کی زندگیوں کو خطرے میں ڈالا، یہ سب انھیں بلیک میل کرنے کی کوشش ہے تاکہ وہ ان کے جرائم پر این آر او دے سکیں، لیکن وہ انھیں کبھی این آر او نہیں دیں گے۔

پی ڈی ایم کے جلسے پر رد عمل دیتے ہوئے وزیر اعظم نے کہا کہ پی ڈی ایم نے جلسہ کے ذریعے مجھے بلیک میل کرنے کی کوشش کی، پی ڈی ایم مجھے بلیک میل کرکے لوٹی رقم بچانا چاہتے ہیں۔

وزیراعظم نے کہا کہ ان کی جانب سے بےتحاشہ رقم جمع کر کے کورونا کے دنوں میں لوگوں کی زندگیوں اور صحت کا خیال نہیں رکھا گیا۔

عمران خان نے کہا کہ میں ایک بار پھر اعادہ کرتا ہوں، ان کو این آر او نہیں دوں گا، مستقبل میں بلیک میلنگ کا جو بھی حربہ پی ڈی ایم اپنائے این آر او نہیں دوں گا۔

انہوں نے کہا کہ پی ڈی ایم کے لیے پیغام بالکل دو ٹوک اور واضح ہے۔

وزیر اعظم  نے کہا کہ لوٹ مار کرنے والے جو بھی حربہ اپنائیں میری حکومت این آر او نہیں دے گی۔

قومی خبریں سے مزید