فرمان الہی
نماز کے اوقات
لاہور (آئی این پی ) گزشتہ دنوں لاہور میں مریم نواز کی قیادت میں عوامی رابطہ مہم کے سلسلے میں نکالی جانے والی ریلی میں زندہ شیر لانے والے 2 افراد کو گرفتار کر لیا گیا، ملزم امداد سمیت 5 افراد پر 80 ہزار روپے جرمانہ، شیر چڑیا گھر منتقل۔ ترجمان محکمہ وائلڈ لائف پنجاب کے مطابق ملزمان جمعرات کو مریم نوازکی ریلی میں زندہ شیر لے آئے تھےمرکزی ملزم امداد نے لکشمی چوک میں ریلی کے دوران اپنی گاڑی پر شیر کی نمائش کی جو قانون کے تحت جرم ہے۔ ترجمان محکمہ وائلڈ لائف کا کہنا ہے کہ لوگوں کے ہجوم میں زندہ شیر لانے پر ملزم امداد سمیت 5 افراد پر 80 ہزار روپے جرمانہ بھی کیا گیا ہے جبکہ شیر کو تحویل میں لے کر چڑیا گھر منتقل کر دیا گیا ہے۔
