فرمان الہی
نماز کے اوقات
وزیراعلیٰ پنجاب کی معاون خصوصی فردوس عاشق اعوان کا کہنا ہے کہ مریم نواز مان لیں آپ کی جماعت میں بغاوت ہوچکی، اب بھی وقت ہے اپنی اصلاح کریں، انہوں نے کہا کہ حکومت مدت پوری کرے گی۔
لاہور میں پریس کانفرنس کرتے ہوئے فردوس عاشق اعوان نے کہا کہ مولانا نے جنوری یا فروری کہا، جہاں ’یا‘ آجاتا ہے وہاں ابہام ہوتا ہے، پی ڈی ایم کے پاس کوئی حکمت عملی نہیں ہے۔
فردوس عاشق اعوان نے کہا کہ گیارہ جماعتیں مل کر بھی وزیراعظم کا بال بیکا نہیں کرسکتیں۔
انہوں نے کہا کہ ظل سبحانی کو لاہور جلسے میں خالی کرسیوں سے خطاب کرنا پڑا، سیاسی بے روزگاروں کا ٹولہ، دو بچوں کے اشار ے پر چل رہے ہیں۔
فردوس عاشق اعوان نے کہا کہ راج کماری نے جو کنواں کھودا اس میں سب کو گرادیا۔
