فرمان الہی
نماز کے اوقات
ایشین چیمپئن باکسر عثمان وزیر اپنے اعزاز کے دفاع کیلئے بھر پور تیاریوں میں مصروف ہیں، جبکہ ان کے کوچ بھی محبوب بھی کامیابی کیلئے پرعزم ہیں۔
پاکستان میں انٹرنیشنل باکسنگ کا دور پھر سے شروع ہوگیا، ایشین چیمپئن عثمان وزیر کی ٹائٹل کے دفاع کے لیے تیاریاں آخری مرحلے میں ہیں۔
گلگت بلتستان سے تعلق رکھنے والے اُبھرتے ہوئے باکسر اپنی پانچویں پروفیشنل باؤٹ کے لیے تیار اور پُراعتماد ہیں۔
باکسر عثمان وزیر کہتے ہیں کہ پاکستان باکسنگ کا سنہری دور واپس لانے کیلئے پُرعزم ہیں۔
عثمان وزیر کے کوچ محبوب کا کہنا ہے کہ فائٹ کے لیے بڑی محنت کی ہے، کامیابی ضرور ملے گی۔
واضح رہے کہ 19 دسمبر کو عثمان وزیر سابق ایشین چیمپئن انڈونیشیا کے بی ایس لویپز سے مقابلہ کریں گے جبکہ دوسری پروفیشنل فائٹ میں آصف ہزارہ انڈونیشیا سے ہی تعلق رکھنے والے باکسر کے مدِمقابل ہونگے۔
یہ مقابلے پاکستان کے پہلے اسپورٹس چینل جیو سوپر سے براہِ راست نشر کیے جائیں گے۔
