وہ نظم جو نصیر ترابی نے سانحہ سقوط ڈھاکہ پر کہی

سقوطِ ڈھاکہ کی خبر سُن کر معروف شاعر نصیر ترابی کی آنکھیں آنسوؤں سے بَھر گئیں اور ایسے ہی انہوں نے ایک غزل تخلیق کی جسے نصیر ترابی کو شہرت کی بلندیوں پر پہنچایا۔

کہا جاتا ہے کہ سقوط ڈھاکہ کے بعد جنگ اخبار کے سرورق پر نصیر ترابی کی غزل چھپی جو71 میں ایک نوجوان شاعر کے خیالات تھے۔

27 برس کی عمر میں خودکشی کرنے والے شاعر کا آخری خط

پاکستان کے ممتاز شاعر آنس معین کا گزشتہ روز یوم پیدائش تھا، یہ وہی آنس معین ہیں جنہوں نے نے محض ستائیس سال کی عمر میں خودکشی کر لی تھی۔

سقوط ڈھاکہ کا واقعہ بیان کرتے ہوئے نصیر ترابی کہتے ہیں کہ ’یہ غزل میں نے سقوط ڈھاکہ پر کہی تھی۔‘

انہوں نے کہا کہ ایک دن جب دفتر میں بیٹھا تھا کہ مجھے سقوطِ ڈھاکہ کی خبر دن کے گیارہ بجے ملی۔

نصیر ترابی کا کہنا تھا کہ مجھے جب یہ خبر ملی تو ایک دم ہی میں ٹپ ٹپ رونے لگ گیا۔

71ء کی جنگ کے ہیرو کرنل محمد سلیمان کون تھے؟

71ء کی جنگ کے ہیرو کرنل سلیمان ایک عظیم کمانڈو تھے انہوں نے اپنی زندگی میں جرات و شجاعت کی بے شمار داستانیں بھی رقم کیں۔

انہوں نے کہا کہ سقوط ڈھاکہ ہمارے لیے بڑا جذباتی مسئلہ تھا، تو بس اسی وقت میں نے ایک غزل ترتیب دی۔

یہ غزل ناصرف اس وقت مشہور ہوئی بلکہ آج بھی زبان زد عام و خاص ہے، اسے ڈرامہ ’ہمسفر‘ کے او ایس ٹی کیلئے قراۃالعین بلوچ نے گایا جس سے اسے مزید شہرت ملی۔

سقوط ڈھاکہ پر نصیر ترابی کی غزل

وہ ہم سفر تھا مگر اس سے ہم نوائی نہ تھی

کہ دھوپ چھاؤں کا عالم رہا جدائی نہ تھی

نہ اپنا رنج نہ اوروں کا دکھ نہ تیرا ملال

شب فراق کبھی ہم نے یوں گنوائی نہ تھی

محبتوں کا سفر اس طرح بھی گزرا تھا

شکستہ دل تھے مسافر شکستہ پائی نہ تھی

عداوتیں تھیں، تغافل تھا، رنجشیں تھیں بہت

بچھڑنے والے میں سب کچھ تھا، بے وفائی نہ تھی

بچھڑتے وقت ان آنکھوں میں تھی ہماری غزل

غزل بھی وہ جو کسی کو ابھی سنائی نہ تھی

کسے پکار رہا تھا وہ ڈوبتا ہوا دن

صدا تو آئی تھی لیکن کوئی دہائی نہ تھی

کبھی یہ حال کہ دونوں میں یک دلی تھی بہت

کبھی یہ مرحلہ جیسے کہ آشنائی نہ تھی

عجیب ہوتی ہے راہ سخن بھی دیکھ نصیرؔ

وہاں بھی آ گئے آخر، جہاں رسائی نہ تھی