شیخوپورہ(نمائندہ جنگ ) سرگودھا روڈ پر نبی پورہ کے نزدیک دو خواتین سمیت ڈاکوؤں کے 5 رکنی گروہ نے ایک ویگن کے مسافروں کو لوٹ لیا،رانا ٹاؤن میں تاجر شاہنواز کے کریانہ سٹور میں 3 ڈاکوؤں نے 45ہزار روپے نقدی چھین لی ، رچنا ٹاؤن میں خالد اسماعیل نامی شہری کی موٹر سائیکل چور لے اڑے، تھانہ فیکٹری ایریا کے علاقہ خانپور کے قریب تین مسلح ڈاکوؤں نے گیس سلنڈر فروخت کرنے والے تاجر راشد محمود کی دکان پر دھاوا بول کر سلنڈروں سے لدا ٹرک گن پوائنٹ پر چھین لیا آبادی سول لائن میں نوجوان زاہد محمود کی موٹر سائیکل چوری ہوگئی، ڈھنڈیانوالہ میں محنت کش محمد سجاد کی موٹر سائیکل چور لے اڑے، منڈی ڈھاباں سنگھ کے علاقہ گرووانوالہ میں پانچ ڈاکو دودھ فروش ٹکے خان سے 45ہزار روپے چھین کر فرار ہوگے، لاہور روڈ کی آبادی بدو میں تین مسلح افراد نے محنت کش نادر علی سے اس کا رکشہ چھین لیا ۔، گاؤں جھامکے میں زمیندار عمران شاہ کے گھر سے لاکھوں روپے مالیت کے زیورات چوری ہوگئے۔
فرمان الہی
نماز کے اوقات
