فرمان الہی
نماز کے اوقات
پاکستان مسلم لیگ ن کی ترجمان مریم اورنگزیب نے کہا ہے کہ نیب اور ایف آئی اے کو ہیلی کاپٹر اور مالم جبہ کے چوروں اور مفروروں کے چہرے کیوں نہیں نظر آتے؟۔
اپنے ایک بیان میں مریم اورنگزیب نے کہا کہ ایل این جی میں ایک 122 ارب کا دن دیہاڑے ڈاکہ ڈالنے والوں کا چہرہ نظر کیوں نہیں آتا؟۔
انہوں نے کہا کہ نیب اور ایف آئی اے کو آٹا چوری میں 225 ارب کا ڈاکہ ڈالنے والوں کا چہرہ کیوں نہیں نظر آتا؟۔
مریم اورنگزیب نے کہا کہ نیب اور ایف آئی اے کو 400 ارب کی چینی چوری کرنے والوں کا چہرہ کیوں نہیں نظر آتا؟۔
ترجمان مسلم لیگ ن نے کہا کہ نیب اور ایف آئی اے کو ہزاروں ارب کی دوائیاں چوری کرنے والوں کے چہرے کیوں نہیں نظر آتے؟۔
مریم اورنگزیب نے کہا کہ نیب اور ایف آئی اے کو بلین ٹری کی اربوں روپے کی چوری کا سونامی لانے والوں کے چہرے کیوں نہیں نظر آتے؟
