فرمان الہی
نماز کے اوقات
معروف رئیلیٹی شو بگ باس 7 کی فاتح اداکارہ و ماڈل گوہر خان نے اپنی اور ٹک ٹاکر زید دربار کی شادی کے کارڈ کی تھیم مداحوں سے شیئر کردی۔
گوہر خان، جو رواں ماہ 25 دسمبر کو معروف بھارتی ٹک ٹاکر زید دربار کے ساتھ شادی کے بندھن میں بندھنے جاری ہیں اُنہوں نے اپنے تصدیق شدہ انسٹاگرام اکاؤنٹ پر ایک ویڈیو شیئر کی ہے۔
مذکورہ ویڈیو گوہر خان اور زید دربار کی شادی کے ڈیجیٹل کارڈ کی ویڈیو ہے جس میں دِکھایا گیا ہے کہ اس جوڑی کی شادی کے کارڈ کی تھیم کیا ہے۔
ویڈیو میں ان کے ’لاک ڈاؤن کی محبت کی کہانی‘ کے بارے میں سب کچھ ظاہر کیا گیا ہے کہ کیسے ان کی دوستی محبت میں بدلی اور کیسے زید دربار نے اپنی منگیتر کو پروپوز کیا۔
بالی ووڈ اداکارہ نے انسٹاگرام پر یہ خوبصورت ویڈیو پوسٹ کرتے ہوئے کیپشن میں لکھا کہ ’جب ہم ملے تھے۔‘
اُنہوں نے اپنی پوسٹ کے کیپشن میں ہیش ٹیگ GAZAbkahaiDin کا بھی استعمال کیا۔
گوہر خان اور زید دربار کی شادی کے ڈیجیٹل کارڈ کی ویڈیو دیکھ کر اندازہ لگایا جاسکتا ہے کہ اُن کے کارڈ کی تھیم مکمل طور پر لاک ڈاؤن سے منسلک ہے۔
واضح رہے کہ بھارت میڈیا کے مطابق دونوں 25 دسمبر کو نکاح کرنے جا رہے ہیں۔ رپورٹ میں اداکارہ کے ایک قریبی ذرائع نے بتایا کہ گوہر خان اور زید دربار نے شادی کرنے کے لیے 25 دسمبر کو شارٹ لسٹ کیا ہے۔
شادی کی تقریبات 22 دسمبر سے شروع ہوں گی۔ اس میں صرف قریبی دوست اور فیملی کے لوگ ہی شریک ہوں گے جبکہ شادی کی تمام تقریبات ممبئی میں ہوں گی۔
