گوہر خان نے اپنی مہندی پر 4 سال پُرانا جوڑا پہنا

معروف بھارتی رئیلیٹی شو بگ باس 7 کی فاتح اداکارہ و ماڈل گوہر خان نے اپنی مہندی کے دن وہ جوڑا زیب تن کیا جو اُن کے بھائی نے 4 سال قبل اُنہیں بطورِ تحفہ دیا تھا۔

بالی ووڈ اداکارہ و ماڈل گوہر خان اور ٹک ٹاکر زید دربار کی شادی کی تقریبات کا آغاز ہوگیا ہے اور آج وہ رشتۂ ازدواج میں منسلک ہوجائیں گی۔

گوہر خان اور زید دربارد کی شادی کی مختلف تقریبات کی تصویریں جہاں سوشل میڈیا پر وائرل ہورہی ہیں تو وہیں گوہر خان نے بھی اپنے تصدیق شدہ انسٹاگرام اکاؤنٹ پر اپنی مہندی کی تقریب کی تصویریں شیئر کی ہیں۔

انسٹاگرام شیئر کی گئی تصویروں میں گوہر خان پیلے رنگ کے روایتی جوڑے میں ملبوس ہیں جبکہ اُن کے ہاتھوں پر خوبصورت مہندی لگی ہوئی ہے۔

گوہر خان نے انسٹاگرام پر تصویریں شیئر کرتے ہوئے کیپشن میں سب سے پہلے تو بھارتی گانے ’آئی مہندی کی رات‘ کا ایک سطر لکھا۔

زندگی کے سب سے خاص موقع پر میرے اہلخانہ ساتھ نہیں، گوہر خان

معروف بھارتی رئیلیٹی شو بگ باس 7 کی فاتح اداکارہ و ماڈل گوہر خان کہتی ہیں کہ اُن کی زندگی کے سب سے خاص موقع پر اُن کے اہلخانہ اُن کے ساتھ نہیں ہیں۔

اس کے بعد گوہر خان نے اپنے بھائی سے مخاطب ہوتے ہوئے لکھا کہ ’میری جان، میرے بھائی آج میں نے اپنی مہندی کے دن وہ خوبصورت جوڑا زیب تن کیا ہے جو آپ نے مجھے 4 سال قبل ایک تحفے کے طور پر دیا تھا۔‘

گوہر خان نے جذباتی ہوتے ہوئے لکھا کہ ’آپ میری شادی میں شامل نہیں ہوسکتے ہیں لیکن آپ کے اس تحفے نے میرے لیے آپ کا پیار ثابت کردیا ہے۔‘

گوہر خان کی شادی کی تقریبات کا آغاز ہوگیا

معروف بھارتی رئیلیٹی شو بگ باس 7 کی فاتح اداکارہ و ماڈل گوہر خان نے اپنی اور ٹک ٹاکر زید دربار کی شادی کی تقریبات کا آغاز ہوگیا ہے۔

آخر میں اُنہوں نے اپنے بھائی کا شکریہ ادا کرتے ہوئے لکھا کہ ’یہ لباس زیب تن کرنا میرے لیے بہت خاص ہے۔‘

واضح رہے کہ گوہر خان اور زید دربار 25 دسمبر یعنی آج رشتۂ ازدواج میں منسلک ہوں گے جبکہ لاک ڈاؤن کی وجہ سے گوہر خان کے بھائی اور بھابھی اُن کی شادی میں شرکت نہیں کرسکیں گے۔