فرمان الہی
نماز کے اوقات
میٹروپولیٹن کارپوریشن اسلام آباد کے میئر کے انتخاب کیلئے پولنگ کا عمل جاری ہے، پولنگ مئیر آفس میں شام 5 بجے تک بغیر کسی وقفے کے جاری رہے گی۔
اسلام آباد کا اگلا میئر کون، فیصلہ آج ہوجائے گا،میئر کے انتخاب کیلئے 73 ووٹرز اپنا ووٹ کاسٹ کریں گے، پہلا ووٹ یوسی چیئرمین 35 کے ملک محمد رفیق نے کاسٹ کیا۔
میئر کےانتخاب کے لیے مجموعی طور پر 3امیدواروں کے درمیان مقابلہ ہے جن میں پیرعادل شاہ نون لیگ اور ملک ساجد محمود پی ٹی آئی کے امیدوار ہیں جبکہ اظہر محمود آزاد حیثیت سے الیکشن میں حصہ لے رہے ہیں۔
پولنگ کا آغاز مئیر آفس میں صبح 9 بجے ہوا جو شام 5 بجے تک بغیر کسی وقفےکے جاری رہے گی۔
ریٹرنگ افسر نعیم احمدکاپولنگ کے آگاز سے قبل کہنا تھا کہ پولنگ کے لیے تمام تر انتظامات مکمل کیے گئے ہیں، میئر میٹرو پولیٹن کارپوریشن اسلام آباد آفس کی عمارت میں پولنگ اسٹیشن قائم کیا گیا ہے اور عمارت میں واقع تمام دفاتر مین آج چھٹی دی گئی ہے۔
میئراسلام آباد کےانتخاب کے لیے الیکٹورل کالج 80 کا ہے جس میں اسلام آبادکے 50 یوسی چیئرمین، 3 ڈپٹی میئرز ووٹ کاسٹ کریں گے جبکہ 17مخصوص نشستوں کے عہدیداران بھی میئر کے انتخاب کے لیے ووٹ کاسٹ کریں گے۔
واضح رہے کہ اسلام آباد کے سابق میئر شیخ انصر عزیز کے استعفے کے بعد مئیر کی نشست خالی ہوئی تھی۔
