• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرسمس چھٹیوں کے دوران ایک لاکھ 6ہزارگاڑیاں مری میں داخل ہوئیں

میرا شہر
اسلام آباد
29 دسمبر ، 2020
راولپنڈی (سٹاف رپورٹر) کرسمس کی چھٹیوں کے دوران ایک لاکھ چھ ہزارسے زیادہ گاڑیاں مری میں داخل ہوئیں۔ چیف ٹریفک آفیسر راولپنڈی نے کرسمس کی چھٹیوں کے دوران مری میں ٹریفک پولیس کے تمام افسران اوراہلکاروں کو اچھی ڈیوٹی دینے اور ٹریفک کی روانی کو بہترین طریقے سے برقرار رکھنے پر شاباش دی ۔ سٹی ٹریفک پولیس راولپنڈی کی طرف سے کرسمس کے موقع پر مری میں سیاحوں کو بہترین ٹریفک سہولیات مہیا کرنے کے پیش نظراضافی نفری تعینات کی گئی تھی ۔کرسمس کی صبح سے اتوار کی رات تک ایک لاکھ چھ ہزار سے زیادہ گاڑیاں مری میں داخل ہوئیں ، مری میں صرف چند ہزار گاڑیوں کیپارکنگ کی گنجائش کے باوجود ٹریفک پولیس کے تمام افسران و اہلکاروں نے سخت موسمی حالات میں بھی دن رات محنت کر کے فرائض منصبی کو بخوبی سر انجام دیا ۔
تازہ ترین